Мадриднинг «Реал» клуби Ла Лига доирасидаги ўз уй учрашувида «Жирона»ни мағлуб эта олмади (1:1). Иккинчи бўлим давомида «қаймоқранглилар» ҳужумчиси Килиан Мбаппе юзига зарба қабул қилиб, жарима майдончаси ичида йиқилди, бироқ ҳакам бу вазиятда қоида бузилишини кўрмади.
«Бу шунчаки фирибгарлик, Мбаппега нисбатан тоза пенальти бор эди. Килиан тўпни ўзига қайтариб олиб, гол уришга яқин келганида, ҳимоячининг юзига тегиб кетгани учун ҳакам дарҳол ҳуштагини чалди. Лекин Мбаппенинг юзига зарба берилганда, негадир қоида бузилиши қайд этилмади?» — дея Madrid Zone канали RMTV шарҳларидан иқтибос келтирмоқда.
Агар шанба куни «кўк-анорранглилар» «Эспаньол»га қарши дербида ғалаба қозонишса, «Реал»нинг пешқадам «Барселона»дан ортда қолиши 9 очкогача етади.
