“Барселона” “Аякс” ҳужумчиси Себастьян Аллерни трансфер қилиш имкониятларини кўриб чиқмоқда. Бу ҳақда испан ОАВлари ва “Fichajes” нашри хабар бермоқда. 

Жорий Чемпионлар лигаси мавсумида Аллер бутун Европа бўйлаб шов-шувларга сабаб бўлди. Футболчи мусобақанинг ушбу мавсумида 6 та ўйинда 10 та гол уриб, Чемпионлар лигаси гуруҳ босқичининг энг яхши тўпурари бўлди.

Эслатиб ўтамиз, Аллер мавсум бошида омадсиз ўйинлардан сўнг “Вест Хэм”дан “Аякс”га ўтган эди. Ивуарлик футболчи голландияликлар сафида ўз имкониятларини тўлиқ очиб бера олди. Трансфермаркт портали Себастьянни 27 миллион еврога баҳоламоқда.