Кеча Чемпионлар лигаси гуруҳ босқичи 6-туридан ўрин олган “Бавария” ҳамда “Барселона” ўртасидаги учрашув немис жамоасининг 3:0 ҳисобидаги ишончли ғалабаси билан якунланди. Мағлубият туфайли испанлар турнирнинг плей-офф босқичига чиқа олишмайди, бу эса клуб буджетига сезиларли даражада таъсир қилади. 

“Mundo Deportivo” нашрининг хабар беришича, “кўк-анорранглилар” буджети жамоанинг Чемпионлар лигаси финалининг тўртдан бир қисмига чиқиш имкониятидан келиб чиққан ҳолда ҳисобланган. Зарар 30 миллион еврога баҳоланмоқда.

“Барселона” ҳомийлар ва телевидениедан 1/8 финалга чиққани учун 9,6 миллион, чорак финалга чиққани учун 10,6 миллион ишлаб топиши кутилганди. Энди каталонияликлар Европа лигасида ўйнайди.

Эслатиб ўтамиз, Европа лигасининг 1/16 финали учун клуб атиги 500 минг евро олади. Турнирнинг 1/8 финалига чиқиш учун улар 1,8 млн.

Таққослаш учун: Чемпионлар лигаси финалига чиқиш учун 15,5 миллион, Европа лигаси финалига чиқиш учун 4,6 миллион, Чемпионлар лигасидаги ғалаба учун 20 миллион, ЕЛда эса 8,6 миллион беришади.