Дортмунднинг "Боруссия" клуби ҳужумчиси Эрлинг Холанднинг агенти Мино Райола мижозининг келажаги борасида фикр билдирди.

"Биз Холанд қаерга кетиши кераклигини тушунамиз. Бозор бизга таклиф қилаётган шартномага эътибор қаратамиз. Эрлинг каби ҳужумчи билан биз бозорга таъсир ўтказа оламиз", – дея Райоланинг сўзларидан иқтибос келтирган журналист Фабрицио Романо.

Жорий мавсум 21 ёшли норвег "асаларилар" сафида 17 ўйинда майдонга тушиб, 17 гол урди ва 4 голли узатмани амалга оширди. Унинг Дортмунд клуби билан шартномаси 2024 йилнинг 30 июнига қадар мўлжалланган.