Каталонияликларнинг америкалик ўнг қанот ҳимоячиси Сержиньо Дест фаолиятини Германияда давом эттириши мумкин.
Англиянинг "Daily Mail" нашри маълум қилишича, "кўк-анорранглилар" раҳбарияти "Бавария"га Сержиньо Дестнинг ҳизматларини таклиф қилишган. Агар Мюнхен клуби футболчи учун 25,7 миллион фунт тўлашса, испан гранди шу қишнинг ўзида ҳимоячи билан хайрлашишга тайёр, дейилади хабарда.
Маълумот учун, айнан "Бавария"га қарши ўйиндан сўнг Хави Дест намойиш этган ҳаракатларида ғазабланган ва Лапортага уни сотиш кераклигини айтган.
Жорий мавсум Дест жамоа сафида 12 ўйин ўтказиб, 3 голли узатмани амалга оширди.
