Чемпионлар Лигасида “Бавария“дан қақшатқич мағлубиятга учраган “Барселона“ бир қатор етакчиларини сотувга қўймоқчи.
"Қора рўйхат"дан дарвозабон Марк-Андре тер Штеген, қанот ҳимоячиси Сержиньо Дест ва ярим ҳимоячи Френки де Йонг каби ўйинчилар ўрин эгаллаган.
Юқорида тилга олинганлар орасида де Йонг энг қиммат нархга баҳоланган (90 миллион евро). Агар у сотиладиган бўлса, жамоага яхши даромад келтириши мумкин. Маълумот учун, нидерландиялик ўйинчига “Манчестер Юнайтед“ анчадан бери қизиқиш билдириб келмоқда.
“Кўк-анор ранглилар“нинг ёш ҳимоячиси Дестга “Бавария“ жиддий қизиқиш билдирмоқда, дея маьлумот беради “El Nacional“. Хабарда айтилишича, немис клуби америкалик футболчи учун 30 миллион фунтдан кўп сарфлаш ниятида эмас.
