"Челси" бош мураббийи Томас Тухель жамоадан қишки трансферлар вақтида ҳеч кимни қўйиб юбормоқчи эмас.

Маълумотларга кўра, "аристократлар" айни дамда бира тўла икки нафар футболчиси Тимо Вернер ва Хаким Зиешнинг таҳминий трансфери борасида "Барселона" билан музокара олиб бормоқда. Испан клуби икки футболчидан ҳеч бўлмаганда биттасини январда ўз сафига қўшиб олиш ниятида, аммо Томас Тухель жамоасидан ҳеч кимни қўйиб юбормоқчи эмас. Мураббийнинг фикрича, улар мавсум давомида клубнинг асосий футболчилари бўла олади.

Жорий мавсум Вернер лондонликлар сафида 8 ўйинда майдонга тушиб, 1 гол урди ва 1 голга ассистентликни амалга оширди. Зиеш ҳам ҳудди шунча ўйин ўтказиб, рақиблар дарвозасини 1 бор ишғол қилди.