Журналист Фабрицио Романонинг твиттердаги саҳифасида “Реал” ҳужумчиси Винисиус Жуниорнинг карьерасини қаерда давом эттирмоқчилиги ҳақида хабар тарқатди.
“Менинг нархим?» Ҳеч нарса тўлашингиз шарт эмас, мен шу ерда, Мадридда қолишни маъқул кўраман”, - дея форварднинг сўзларини келтиради журналист.
Маълумот ўрнида, ёш бразилияликка Европанинг кўплаб топ-клублари қизиқиш билдирган. Айниқса, ПСЖ футболчини сотиб олишни мақсад қилган.
Жуниорнинг клуб билан шартномаси 2024 йилнинг июнигача амал қилади, Винисиус эса 50 миллион еврога баҳоланмоқда.
