«Вильярреал» бош мураббийи Унаи Эмери «Аталанта» устидан қозонилган (3:2) ғалаба ҳақида фикр билдирди.

«Италиянинг энг кучли клубларидан бири «Аталанта»га қарши ўйнаш нақадар қийин эканини ўзингиз ҳам кўрдингиз. У чиройли футбол намойиш этади ва футболчилари яхши формада.

Бундай жамоага қарши ўйнаш кўп куч талаб этади. Ҳисоб 3:0 бўлганида ҳам тинчлана олмаслигимизни билардик, бизга эҳтиёткорлик ва тўлиқ концентрация керак эди.

Чемпионлар лигасида биз барқарорлик, етарли авторитет ва ишончга эришдик ва бу жуда муҳим. Бизда фахрланадиган нарсаларимиз бисёр. 

Кейинги босқичда жуда кучли рақиблар бўлади. Қўлимиздан келганича ўйнаймиз», - дейди Эмери.