ПСЖ аргентиналик ҳужумкор ярим ҳимоячи Анхель ди Мария билан ҳамкорликни узайтиришдан манфаатдор. Бу ҳақда Le Parisien нашри журналистлари хабар бермоқда.
Томонлар бу борада дастлабки музокаралар олиб борди ва оғзаки келишувга эришди. 33 ёшли вингернинг француз гранди билан амалдаги шартномаси жорий мавсум охирида якунига етади. Анхель 2015 йилдан бери Париж жамоасининг шарафини ҳимоя қилиб келади.
Аввалроқ ОАВда ди Мариянинг Испанияга қайтиши мумкинлиги ҳақида хабарлар тарқалган эди.
Жорий Лига 1 мусобақасида аргентиналик футболчи 11 та ўйин ўтказиб, 3 та гол урди ва 3 марта жамоадошларига ассистентлик қилди.
