"Манчестер Юнайтед" бош мураббийи Ральф Рангник сонидан жароҳат олган ярим ҳимоячи Пол Погбанинг тикланиш жараёни ҳақида гапирди.

“Биз Погба билан икки кун олдин телефонда гаплашган эдик. У Дубайда эди ва бугун қайтиши керак. Якшанба куни биз юзма-юз учрашамиз. У билан 10-15 дақиқа телефон орқали гаплашдим холос. Погба тикланиб бораётганини, аммо ҳали тўлиқ тайёр эмаслигини айтди. Билишимча, у бир-икки ҳафтадан сўнг машғулотларга қайтади", - деди мураббий "МЮ" расмий сайтига берган интервьюсида.

Эслатиб ўтамиз, Погбанинг клуб билан шартномаси 2022 йилнинг ёзида якунига этади. Жорий мавсумда футболчи “Манчестер Юнайтед” сафида 9та ўйинда майдонга тушиб, 7та голга ассистентлик қилган.