Ўзбекистон футбол ассоциацияси мутахассислари футбол оммавийлигини ошириш, болалар-ўсмирлар футболи инфратузилмасини ташкил этиш ва уни янада ривожлантириш бўйича амалга оширилаётган ишлар билан танишиш мақсадида Қашқадарё вилоятига ташриф буюрди.

ЎФА болалар-ўсмирлар ва оммавий футболни ривожлантириш бўлими бошлиғи Маъмур Саидкасимов вилоят футбол маҳорат мактабидаги ёш футболчилар учун яратилган шарт-шароитларни, хусусан, ётоқхона, ошхона ҳамда ўқув хоналарни кўздан кечириб, мавжуд камчилик- хатоларни тузатиш юзасидан масъулларга тавсия ва кўрсатмалар бериб ўтди.

Шунингдек, ЎФА терма жамоалар бўлими бошлиғи Усмон Тошев айрим мавзулар юзасидан ФММ мураббийларининг саволларига жавоб берди ва келгусидаги ишлар юзасидан фикр алмашдилар. Учрашувда ФММ тарбияланувчиларига ЎФАнинг футбол тўплари топширилди.