Ҳозирги Англия Премьер-лигасида катта муаммоларига дуч келган «Манчестер Юнайтед» янги бош мураббий Ральф Рангник қўл остида дастлабки икки ўйинда ўз дарвозасини тоза сақлашга муваффақ бўлди - «Кристал Пэлас» ва «Норвич»ни минимал ҳисобда мағлуб этилди.
Шундай қилиб, Рангник 1903 йилдан буён бундай кўрсаткичга эришган биринчи мутахассис бўлди. Охирги марта Эрнест Мангналл МЮ бошқарувидаги дастлабки икки ўйинда унинг жамоаси дарвозаси даҳлсизлигини сақлаб қолган, деб хабар беради Opta статистик портали.
«Манчестер Юнайтед» навбатдаги ўйинни сешанба куни «Брентфорд»га қарши ўтказади.
