Шанба куни «Манчестер Сити» ўз майдонида «Вулверхэмптон»ни Раҳим Стерлингнинг пенальтидан урган голи эвазига мағлуб этди. «Шаҳарликлар» учун бу ғалаба 2021 календарь йилида Премьер-лигадаги 32-ғалаба бўлди. Бир йил ичида Англия олий дивизионида энг кўп ғалаба фақат «Ливерпуль» томонидан қўлга киритилган - 33 та (1982 йилда).
«Ливерпуль»нинг рекордидан ўтиш учун «Манчестер Сити» 2021 йилги қолган ўйинларнинг камида иккитасида ғалаба қозониши керак. Декабрь ойи охиригача Хосеп Гвардиола жамоаси «Лидс», «Ньюкасл», «Лестер» ва «Брентфорд» билан куч синашади.
Айни дамда айнан «Манчестер Сити» Англия Премьер-лигаси турнир жадвалида пешқадамлик қилмоқда.
