«Барселона» ҳозир энг яхши даврини ўтказмаяпти. Бу биринчи навбатда, клубнинг молиявий муаммолари билан боғлиқ, чунки маблағ туфайли жамоа муносиб кучайишга қурби етмайди.

Яқинда ОАВда «кўк анорранглилар» «Манчестер Сити» билан Ферран Торреснинг трансфери бўйича музокаралар олиб боришга уринаётгани ҳақида хабарлар тарқалган эди. «Шаҳарликлар» бу келишувдан камида 60 миллион евро ишлаб олишни истамоқда, бу «Барселона» учун анчагина кўп маблағ ҳисобланади.

Sport нашрининг хабар беришича, агар каталонияликлар Торрес трансферини амалга ошира олмаса, Манчестернинг бошқа кулби «Юнайтед» клуби футболчиси Антони Марсьялни ўз сафига қўшиб олишга ҳаракат қилади.

Яқинда Антони Марсьялнинг агенти мижози январь ойида бошқа клубга ўтиши мумкинлигини айтганди.