«Barselona» hozir eng yaxshi davrini o‘tkazmayapti. Bu birinchi navbatda, klubning moliyaviy muammolari bilan bog‘liq, chunki mablag‘ tufayli jamoa munosib kuchayishga qurbi yetmaydi.

Yaqinda OAVda «ko‘k anorranglilar» «Manchester Siti» bilan Ferran Torresning transferi bo‘yicha muzokaralar olib borishga urinayotgani haqida xabarlar tarqalgan edi. «Shaharliklar» bu kelishuvdan kamida 60 million yevro ishlab olishni istamoqda, bu «Barselona» uchun anchagina ko‘p mablag‘ hisoblanadi.

Sport nashrining xabar berishicha, agar kataloniyaliklar Torres transferini amalga oshira olmasa, Manchesterning boshqa kulbi «Yunayted» klubi futbolchisi Antoni Marsyalni o‘z safiga qo‘shib olishga harakat qiladi.

Yaqinda Antoni Marsyalning agenti mijozi yanvar oyida boshqa klubga o‘tishi mumkinligini aytgandi.