Собиқ Англия терма жамоаси ҳужумчиси Крис Саттон "Арсенал" футболчиси Обамеянг ҳақида фикр билдирди. У "Mirror" нашрига шундай дейди:
"Артета қўл-остидаги "Арсенал"да Обамеянгнинг келажаги борлиги катта сўроқ остида турибди. Менга бундай туюлмаяпти. Чунки у билан яхши ҳолат юз бермаяпти. Микель Артета шу ерда экан, унинг яна юқори даражага чиқишига кўзим етмаяпти. Ҳар икки томонда ҳам қандайдир муаммо бордек туюлади. Шахсан менга, Обамеянгнинг масаласи қандай ҳал этилиши жуда ҳам қизиқ".
Эслатиб ўтамиз, кеча габонлик ҳужумчи "тартиб-интизом қоидалари" сабаб "Саутгемптон"га қарши ўйин қайдномасига киритилмаган эди. У билан бундай ҳолат ўтган мавсумда ҳам юз берган.
