Маълум бўлишича, ПСЖ ҳужумчиси Мауро Икарди «Ювентус»га ўтишга яқин турибди.
Журналист Педро Алмейда твиттерда клублар келишув шартлари бўйича деярли келишувга эришганини ёзди. Манбага кўра, битим кейин сотиб олиш опцияси билан олти ойлик ижара асосида амалга ошиши мумкин.
Эслатиб ўтамиз, аввалроқ Икарди Парижда қолаётганидан норози экани, шу боис у вазиятни имкон қадар тезроқ ўзгартиришни хоҳлаётгани ҳақида хабар берилганди.
Жорий мавсумда 28 ёшли аргентиналик футболчи ПСЖ сафида барча турнирларда 17 та ўйинда майдонга тушиб, 3 та гол уришга муваффақ бўлди.
