"Пари Сен-Жермен" клуби бош мураббийи Маурисио Почеттино чемпионатнинг 18-тури доирасида бўлиб ўтган "Монако"га қарши ўйин (2:0) ҳақида ўз фикрларини билдириб ўтди.

“Биз учун ғалаба қозониш ва уч очко олиш жуда муҳим эди. Умуман олганда, мен ўйиндан мамнунман, чунки ҳаракатларимиз жуда профессионал тарзда ўтди. Мухлислар қаршисида ўйнаш ва ғалаба қозониш ҳар доим муҳим. Умид қиламизки, кейинги ўз уйимизда ўйинда, стадион мухлисларимиз билан тўлади. Шуни таъкидлаб ўтиш керак, вақт ўтиши билан футболчилар бир-бирини янада яхшироқ билиб, яқинроқ бўлишса, жамоа бундан ҳам яхши ўйин кўрсатади", - дея Почеттинонинг сўзларидан иқтибос келтиради клуб расмий сайти.