АҚШ терма жамоасининг бош мураббийи Юрген Клинсманн башоратига кўра, Евро-2012 мезбонларининг чемпионат совриндорлари орасидан жой олиш имкониятлари камроқ. Бу ҳақда немис футболи афсонаси SPOX интернет нашрига интервьюсида айтиб ўтди.
"Поляклар ривожланмоқдалар, уларнинг кучли жамоаси бор. Лекин Украина тўғрисида камроқ биламан. Бу жамоанинг ҳам ўз майдонларида устунлиги бўлади. Лекин иккала жамоани ҳам совриндорлар тўртлигида кўрмаяпман.
Испания ҳозирда ҳам дунёнинг биринчи рақамли термаси бўлиб турибди. Лекин улар охирги йилларда жуда кўп совринларни қўлга киритишди. Шунинг учун уларнинг ютуқларга тўйиб қолганликларини ҳисобга олсак, биз (Германия назарда тутиляпти - stadion.uz ) уларни мағлуб эта оламиз."
