Франция чемпионатининг 18-туридан ўрин олган учрашувда пойтахтнинг ПСЖ жамоаси ўз майдонида “Монако”ни қабул қилди. Мезбонлар 2:0 ҳисобидаги ғалабани тантана қилишди. Парижликлар сафида ҳар иккала голга ҳужумчи Килиан Мбаппе муаллифлик қилди.
ПСЖнинг 34 ёшли аргентиналик ҳужумчиси Лионель Месси 90 дақиқани майдонда ўтказиб, рақиб дарвозасига бир бор ҳам зарба бера олмади. Эслатиб ўтамиз, етти карра “Олтин тўп” соҳиби Лига 1 мусобақасидаги голсиз сериясини кетма-кет тўртта ўйинга етказди. У 10 та ўйинда дарвозага 39 та зарба йўллаган ва битта гол урган.
Эслатиб ўтамиз, Лео ўтган ёзда парижликлар сафига келиб, икки йиллик шартнома имзолаганди.
