Ҳозиргина катталар ўртасидаги жаҳон чемпионатида -71 кг вазнли аёллар баҳси якунига етди.
Ушбу вазнда Кумушхон Файзуллаева юртимиз шарафини ҳимоя қилди.
Вакиламиз икки кураш натижасига кўра, 228 кг натижа қайд этди. Афсуски, ҳар икки машқда омад Кумушхон Файзуллаевадан юз ўгирди.
Сабаби спортчимиз машқлардаги ўзининг сўнгги уринишларини муваффақиятли бажарганида, мос равишда олтин ва бронза медалларини қўлга киритар эди. Лекин бу спорт ва унда кимдир ғолиб бўлади, яна кимдир эса мағлуб.
Бироқ бир нарса аниқки, деярли барча рақибаларидан ёш борасида кичик бўлган Кумушхон астойдил ҳаракат қилди ва муносиб иштирок этди.
