Россия терма жамоаси собиқ бош мураббийи Станислав Черчесов яқин келажакда клубда иш бошлаши мумкин.
Журналист Иван Карпов ўзининг телеграм каналида маълум қилишича, 58 ёшли россиялик мутахассис «Ференцварош» бош мураббийи лавозимига асосий номзод ҳисобланади.
Яқинда венгрия гранди Петер Штогерни истефога чиқарган эди.
Эслатиб ўтамиз, Станислав Черчесов ёздан бери ишсиз. Евро-2020даги муваффақиятсиз ўйинлардан сўнг у Россия терма жамоасидаги мураббийлик курсисини тарк этди.
Черчесов терма жамоа билан беш йил ишлади ва Россияни жаҳон чемпионатининг чорак финалига қадар олиб чиқишга муваффақ бўлди.
