Енгил вазн тоифасида собиқ UFC чемпиони, россиялик Хабиб Нурмагомедов шахсий футбол агентлигини ташкил этганини эълон қилди.

“Биз футбол йўналишида ривожланишни хоҳлаймиз. Кларенс Зеедорф билан биргаликда Россияда футбол мактабларини очишни режалаштиряпмиз. "Eagles Sport" менежменти спорт клублари учун консалтинг хизматларини кўрсатади. Бизда ҳали қилинадиган ишлар етарлича. Биз футболчиларни, ёш йигитларни болаликдан бошлаб футболга олиб кирамиз. 15-16 ёшда кучли жамоада ўйнамаса ҳеч нарса бўлмайди. Биз уларни бошқарамиз, бошқа лигалар билан шартнома имзолаймиз, бу БАА, Саудия Арабистони, балки Европа чемпионатлари бўлиши ҳам мумкин”, - дея Хабиб Нурмагомедовнинг сўзларидан иқтибос келтиради “Известия”.

Аввалроқ Нурмагомедов “Барселона” клубини Чемпионлар лигаси плей-офф босқичида иштирок эта олмаслиги билан боғлиқ вазиятга изоҳ берган эди.