“Интер” дарвозабони Самир Ханданович клуб билан шартномасини узайтириши мумкин.

Маълумотларга кўра, клуб раҳбарияти 37 ёшли словениялик билан шартномани узайтириш масаласини кўриб чиқмоқда. Ҳозирда футболчи йилига 3,5 миллион евро маош олади. Агар шартнома узайтирилса, у бу суммани 1,5-2 миллион еврогача қисқартиришга рози бўлиши керак.

Аввалроқ "Интер" дарвозабон Андре Онана билан келишувга эришгани ҳақида хабар берилганди.

Жорий мавсумда Ханданович 23 та ўйин ўтказиб, 20 та гол ўтказиб юборган ва 9 бор ўз дарвозаси дахлсизлигини сақлаб қолган.