ПСЖ ҳужумчи Килиан Мбаппени жамоада олиб қолишга уринишда давом этади. Француз клуби 22 ёшли ҳужумчини жамоадаги энг юқори маош олувчи футболчига айлантирмоқчи.

Шу билан бирга, “Реал” Чемпионлар лигасининг 1/8 финал босқичига қуръа ташлаш натижалари туфайли Парижликлар ҳужумчиси билан музокара олиб бориш тактикасини ўзгартиради.

Мадрид клуби форвард билан дастлабки шартнома имзолаш ишларини март ойига қолдиради. "Реал" ва "ПСЖ" ўртасидаги Чемпионлар лигаси 1/8 финалининг биринчи ўйини 15 февраль куни Парижда, жавоб ўйини эса 9 март куни Мадридда бўлиб ўтади.

Эслатиб ўтамиз, Мбаппенинг ПСЖ билан шартномаси 2022 йилнинг ёзида якунига этади.

Жорий мавсумда футболчи Лига1 нинг 16 та учрашувида қатнашиб, 7 та гол урди ва 8 та голли узатмани амалга оширди.