PSJ hujumchi Kilian Mbappeni jamoada olib qolishga urinishda davom etadi. Fransuz klubi 22 yoshli hujumchini jamoadagi eng yuqori maosh oluvchi futbolchiga aylantirmoqchi.
Shu bilan birga, “Real” Chempionlar ligasining 1/8 final bosqichiga qur’a tashlash natijalari tufayli Parijliklar hujumchisi bilan muzokara olib borish taktikasini o‘zgartiradi.
Madrid klubi forvard bilan dastlabki shartnoma imzolash ishlarini mart oyiga qoldiradi. "Real" va "PSJ" o‘rtasidagi Chempionlar ligasi 1/8 finalining birinchi o‘yini 15 fevral kuni Parijda, javob o‘yini esa 9 mart kuni Madridda bo‘lib o‘tadi.
Eslatib o‘tamiz, Mbappening PSJ bilan shartnomasi 2022 yilning yozida yakuniga etadi.
Joriy mavsumda futbolchi Liga1 ning 16 ta uchrashuvida qatnashib, 7 ta gol urdi va 8 ta golli uzatmani amalga oshirdi.
