"Барселона" ҳужумчиси Серхио Агуэро 15 декабрь куни бўлиб ўтадиган матбуот анжуманида фаолиятини якунлаганини эълон қилади. "Catalunya Radio" хабарига кўра, тадбирда "Манчестер Сити" устози Пеп Гвардиола ва "шаҳарликлар" директори Чики Бегиристайн иштирок этади.
Матбуот анжумани Тошкент вақти билан соат 16:00да бошланиши режалаштирилган.
Эслатиб ўтамиз, 30 октябрь бўлиб ўтган “Барселона” – “Алавес” (1:1) ўйинида Агуэро юраги билан боғлиқ муаммолар сабаб майдонни тарк этган эди.
Эслатиб ўтамиз, Агуэро 2011 йилдан 2021 йилгача "Манчестер Сити"да ўйнаган. Клуб таркибида у тўрт марта Англия чемпионлигини қўлга киритган.
