«Рома» бош мураббийи Жозе Моуриньо А сериянинг 17-тури доирасида бўлиб ўтган «Специя»га қарши ўйинда (2:0) юз берган нохуш воқеа юзасидан ўз фикрини билдириб ўтди.
Эслатиб ўтамиз, баҳснинг 30-дақиқасида стадионда ўтирган мухлислардан бирининг мазаси қочиб қолди. 30 ёшли ишқибознинг юраги тўхтаб қолди. Унга дефибриллятор орқали ёрдам кўрсатилди, сўнгра шифохонага етказилди.
«Мен бу ҳақда ўйин охирида эшитдим. Агар у менга ўз манзилини берса, мен унга ўз курткамни совға қиламан. Келаси сафар у стадионга келганида, менинг курткам уни иссиқ тутсин», — деди Моуриньо.