"Ньюкасл" "Тоттенхэм" ярим ҳимоячиси Деле Аллига қизиқиш билдирмоқда.
Маълумотларга кўра, "қарғалар" аллақачон "шпорлар" билан музокараларга киришган ва 25 ёшли англияликни 2021/22 йилги мавсум охиригача ижарага олмоқчи. Шу билан бирга, "Ньюкасл" келишувга футболчини сотиб олиши мумкин бўлган банд киритилиши кераклигини таъкидламоқда.
2021/22 йилги мавсумда Деле Алли "Тоттенхэм" сафида 14 та ўйинда майдонга тушиб, 2 та гол ва 1 та голли узатмага муаллифлик қилган. Transfermarkt.com портали футболчининг нархини 30 миллион еврога баҳоламоқда.
