"Манчестер Юнайтед" фойдали трансферга қўл урмоқчи. "Eurosport" канали хабар беришича, "қизил иблислар" футболчиси Энтони Марсьяль "Атлетико" қизиқишига сабаб бўлган.
Шу сабаб "МЮ" раҳбарияти ўз ҳужумчисини мадридликларга таклиф қилмоқчи. Фақат бу таклиф нақд пул эвазига эмас, балки ўзаро футболчи алмашиш орқали амалга ошади.
Хуллас, манкунианликлар Марсьяль ўрнига ҳимоячи Киран Триппьерни талаб қилади. Англия терма жамоаси аъзоси ёзда "МЮ" трансферлар рўйхатида бор эди.
Собиқ "Тоттенхэм" футболчиси АПЛга қайтиш ниятида. Шу сабаб берилган таклифга розилик билдириши мумкин. Аммо Триппьер позициясида "МЮ"да етарлича футболчилар мавжуд. Унга шунингдек, "Ньюкасл" ҳам қизиқмоқда.
