"Астон Вилла" устози Стивен Жеррард "Норвич" устидан қозонилган ғалабадан кейин ўз фикрлари билан ўртоқлашди. У "BBC" каналига интервьюсида шундай дейди:

"Ўйин меҳмонда бўлишига қарамай, футболчиларимиз яхши ҳаракат қилишди. Ўйлайманки, бутун ўйиннинг катта қисмини ўз назоратимизда ўтказа олдик. Рақиб хавфли эди, буни тан олиш керак. Айниқса, ҳисоб 1-0 бўлиб турганида, сиз катта таваккал остида ҳаракат қиласиз.

Чунки исталган пайтда гол ўтказиб юбориш хавфи бўлади. Олли(Олли Уоткинс)нинг голи ўйинга чиройли якун ясади. Академиямиз футболчиларининг ҳаракатларидан кўнглим тўлди. Уларнинг келажаги порлоқ. Ҳафта ҳамма каби бизга ҳам оғир келди. Жароҳатлар ва вирус билан боғлиқ муаммоларга дуч келдик. Аммо ижобий тарзда давом эта олдик ва бу мени қувонтирди".

Бирмингем шаҳри клуби ҳозирда жадвалнинг 9 поғонасида бормоқда.