“Реал Мадрид” раҳбарияти ПСЖ ҳужумчиси Килиан Мбаппенинг трансфери бўйича шошилишни истамаяпти. Аввалроқ “қаймоқранглилар” январда француз билан шартнома имзолаши ҳақида хабар берилганди, эндиликда Мадрид клуби фикридан қайтди.
Клуб ўз қарорини Чемпионлар лигасининг 1/8 финалида ПСЖга қарши ўйиндан сўнг қабул қилади. Ушбу қарорга нима сабаб бўлгани ҳақида хабар берилмаган.
Эслатиб ўтамиз, “қироллик клуби” футболчи билан музокараларни ёзда, футболчи эркин агентга айлангандан сўнг бошлаш ниятида. Мадриднинг “Реал” клуби франциялик футболчи билан 2028 йилнинг ёзига қадар шартнома имзоламоқчи.
