"Ливерпуль" ўз футболчиси Жо Гомесни қишки трансферлар ойнасида ижарага бермоқчи. Сўнгги хабарларга кўра, мавсум бошида жароҳатдан қайтган ва ўйин амалиётига эга бўла олмаётган ҳимоячи Жо Гомес жамоани тарк этади.
Албатта, бу ярим мавсумга бажарилади, холос. Гомеснинг клубдаги тақдири сўнгги пайтларда энг кўп муҳокама ва миш-мишларга сабаб бўлаётган эди. Футболчининг ўзи ҳам ўйин вақти берилмаётганидан норози. Шу сабаб январда жамоани тарк этишга қарши бўлмайди.
Шунга қарамай Клопп уни қўйиб юборишни истамаётганини билдирган: "Бу йил Жо учун яхши келмади. Аммо бу ҳақиқат. Биз сабрлироқ бўлишимиз лозим. Энг асосийси Гомеснинг ўзи ҳам. Менда ҳозирча уни ижарага бериш нияти йўқ".
