"Ювентус" ярим ҳимоячиси Артур қишки трансферлар вақтида жамоасини ўзгартириши мумкин. Турин клуби футболчисини ижарага бериб юбориш ниятида.
Николо Скира берган маълумотларга кўра, у аллақачон "Севилья", "Рома" ва "Арсенал"га таклиф қилинган, бироқ футболчининг маоши юқори бўлгани учун барча клублар бу таклифга рад жавобини берган. Бразилиялик "кекса синьора"да йилига 6 миллион евро маош олади (бонусларни ҳисобга олмаганда).
Қайд этиш жоиз, 25 ёшли футболчи жорий мавсумда клуб сафида 8 та ўйинда майдонга тушди, аммо самарали ҳаракатлар амалга ошира олмади. "Transfermarkt" портали футболчининг нархини 35 миллион еврога баҳоламоқда.
