Бугун Косонсойдаги "Марказий" стадионда Олий лиганинг дастлабки туридан ўрин олган "Навбаҳор" - "Қизилқум" учрашуви бўлиб ўтди.
Ўйин тенг курашлар остида бошланди. Шунга қарамай, бироз устунлик "Навбаҳор"да бўлиб турди. Аммо доимги "касаллик" - вазиятлардан унумли фойдалана олмаслик бугун ҳам мезбонларга панд берди. Учрашувдаги дастлабки хавфли вазиятни меҳмонлар содир этишди. Санъат Шихов амалга оширган жарима тўпи Денис Романенко қўриқлаган дарвоза тўсинини ларзага келтирди. Дастлабки бўлимда шундан бошқа хавфли ҳолат кузатилмади.
Иккинчи бўлим кутилганидек мезбонлар устунлигида бошланди. Бир қатор хавфли ҳужумлар уюштирилди. Ҳал қилувчи зарбага келганда Санжар Асқаралиев, Абдумажид Тоиров, Виталий Почуев, Абдумалик Абдуллаевлар хатоликка йўл қўйишди. Бўлим давомида "Қизилқум" ҳимоявий ўйин кўрсатиб, қарши ҳужумда ҳаракат қилган бўлсада, жамоа ўйини унчалик қовушмади. Лекин меҳмонлар ўз мақсадларига эришишди. Улар Косонсойдан очко олиб кетишди.
ПФЛ-2012. 1-тур.
НАВБАҲОР — ҚИЗИЛҚУМ 0:0
НАВБАҲОР: 16. Денис Романенко, 4. Абдумажид Тоиров, 6. Жаҳонгир Меҳмонов, 7. Абдулазиз Султонов (Абдумалик Абдуллаев, 60), 8. Артурас Фоменко (Жафар Ирисметов, 67), 9. Санжар Асқаралиев, 13. Темур Султонов, 15. Виталий Почуев, 17. Илҳом Бойдадаев, 20. Ғайрат Жўраев, 22. Владимир Чекунов (10. Азим Аҳмедов, 46)
ҚИЗИЛҚУМ: 1. Эркин Жабборов, 26. Аваз Агалиев, 28. Рустам Боқиев, 4. Темур Кагиров, 2. Алишер Саматов (Илья Ильин, 90+1), 23 Шерали Жўраев, 7. Андрей Власичев, 13. Ғулом Ўрунов, 8. Азамат Бобожонов (Ином Отабоев, 84), 15 Темур Васильев (Фаррух Ҳайдаров, 87), 30. Санъат Шихов
Огоҳлантиришлар: Абдумажид Тоиров 45, Жаҳонгир Меҳмонов 56 - Санъат Шихов 56
Ҳакамлар: С.Зайлобиддинов (Фарғона), Р.Шояхметов (Тошкент), О.Дачев (Тошкент), В.Нажафалиев (Тошкент)
Назоратчи: А.Попов (Тошкент)