"Арсенал" устози Микель Артета "Вест Хэм" устидан қозонилган ғалабадан кейин ўз фикрлари билан ўртоқлашди. У "BT Sport" каналига шундай дейди:
"Мен жамоанинг кўрсатган ўйинидан жуда ҳам қувондим. Ўйинни ўз мухлисларимиз қаршисида ютиб олиш жуда ҳам ижобий воқелик бўлди. Мураккаб рақибга қарши баҳс юритдик. Уларда етарлича хавф туғдира оладиган футболчилар бор эди. Аммо биз рақибни яхши назорат қилдик. Яна бир нарсани айтишим керак, пенальтидан фойдалана олмаганимиз, жуда ҳам уятли бўлди. Бу бизга янада катта устунлик берган бўларди".
"Арсенал" шанба куни "Лидс"га қарши майдонга тушади.
