"Челси" устози Томас Тухель жамоасида кимлар коронавирус юқтириб олгани ҳақида маълумот берди. У шундай дейди:
"Каи Хавертз ўзини ёмон ҳис қилмоқда. Унда ҳозирча вирус аниқлангани йўқ, аммо биз у билан таваккал қилишни истамадик ва қайдномага киритмадик. Биз бугун тушда яна тест ўтказдик. Футболчилар билан боғлиқ аҳвол кечадан бошланди. Улар ўзларини ёмон ҳис қилишди. Ҳозирда биз ПЦР тест натижаларини кутмоқдамиз. Нима ҳам дердик, воқелик - бу воқелик. Бундан кўз юма олмаймиз".
Эслатиб ўтамиз, "Челси" таркибида ҳозиргача Лукаку, Хадсон-Адои, Вернер ҳамда Чилвеллда коронавирус аниқланган.