"Лилль" президенти Оливье Летанг "Реал" ҳужумчиси Эден Азар француз клубига қайтиши мумкинлигини инкор этмади.
“Азарнинг “Лилль”га қайтиши? Мен буни имконсиз деб айтмаган бўлардим. Керак бўлса, музокаралар учун Испанияга бораман. Эден - юқори савиядаги ақл бовар қилмайдиган футболчи, лекин у ҳозир "Реал"да ўйнамоқда, унинг клуб билан шартномаси бор", - деди Летанг.
Эслатиб ўтамиз, Азар 2005 йилдан 2012 йилгача француз клубида ўйнаган. 2021/22 йилги мавсумда 30 ёшли белгиялик футболчи "Реал" сафида 12 та ўйин ўтказиб, битта голга ассистентлик қилган. Transfermarkt.com портали футболчининг нархини 25 миллион еврога баҳоламоқда.
