"Lill" prezidenti Olivye Letang "Real" hujumchisi Eden Azar fransuz klubiga qaytishi mumkinligini inkor etmadi.
“Azarning “Lill”ga qaytishi? Men buni imkonsiz deb aytmagan bo‘lardim. Kerak bo‘lsa, muzokaralar uchun Ispaniyaga boraman. Eden - yuqori saviyadagi aql bovar qilmaydigan futbolchi, lekin u hozir "Real"da o‘ynamoqda, uning klub bilan shartnomasi bor", - dedi Letang.
Eslatib o‘tamiz, Azar 2005 yildan 2012 yilgacha fransuz klubida o‘ynagan. 2021/22 yilgi mavsumda 30 yoshli belgiyalik futbolchi "Real" safida 12 ta o‘yin o‘tkazib, bitta golga assistentlik qilgan. Transfermarkt.com portali futbolchining narxini 25 million yevroga baholamoqda.
