Хабар берганимиздек, икки кун давомида "Пахтакор" ва Тошкентдаги институт талабалари ўртасида катта учрашувлар бўлиб ўтди.

Ўтган куни пахтакорчилар Тошкент ирригация ва мелиорация институтига ташриф буюрдилар. "Камолот" ёшлар ижтимоий ҳаракат билан ҳамкорликда ташкиллаштирилган маданий кечаларнинг иккинчи кунида Тошкент Давлат Педагогика институтнинг Тарих факультети ва Жисмоний тарбия институтининг футбол факультети талабалари билан қизғин учрашув бўлиб ўтди.

"Камолот" ёшлар ижтимоий ҳаракати билан ҳамкорликда ташкил этилган учрашувдан асосий мақсад ёш авлодни футболга тарғиб қилиш ва уларни ўз соҳалари бўйича Ўзбекистон футболига жалб этиш асосий мақсад бўлди. Талабалар билан бўлиб ўтган қизиқарли учрашувларда футболчиларимиздан Боян Миладиович, Акбар Исматуллаев ҳамда Даврон Ҳошимов иштирок этдилар. Клуб раҳбариятидан эса Григорий Цейтлин, Равшан Салимов, Нодирхўжа Юлдашев, Иззат Асатиллаев ва Равшан Тўлаганов талаба мухлисларнинг саволларига жавоб бердилар. Қишлоқ хўжалиги институтида 800 нафар, жисмоний тарбия институтига эса 600, тарих факультетидан 500 нафарга яқин ишқибозлар савол-жавобларда иштирок этдилар.

"Тошкентда яна қанча қолмоқчисиз?", - Боян Миладиновичга берилган ушбу саволнинг жавоби барча ишқибозларимизни қувонтирди.
- Нафақат Тошкент, балки Республикангиз менга жуда ҳам ёқади. Мен илк маротаба легионер бўлиб келган юртим, бу Ўзбекистон. Фаолиятимни анча кеч бошлаганман. 17 ёшимдагина футбол мактабига борганман. Ҳаракатларим мураббийларга маъқул келганлиги учун аввал клубимга қабул қилишган, у ердан эса Сербия ёшлар терма жамоаси таркибида Eвропанинг иккинчи жамоаси бўлганмиз ва ЖЧ йўлланмасини қўлга киритганман. "Пахтакор" ОЧЛда ўйнаши сабабли мен учун бу клуб қизиқ туюлган. Бу ерга келиб адашмаганимдан жуда ҳам хурсанд бўлиб кетаман. Айниқса, аёлим ва фарзандимга шаҳрингиз жуда ҳам ёқади. Яқинда яна бир бор оталик бахтига сазовор бўлдим. Фаолиятимга келсак, уни шу ерда якунламоқчиман. Шундан кейин ҳам кетиш йўқ. Клуб раҳбарияти билан жуда илиқ муносабатдаман. Мен "Пахтакор"да мураббийлик қилишни орзу қиляпман.

Юқоридаги тадбирлар жамоамиз учун анаънага айлантириш борасида келишиб олинди. Энди "Камолот" ЁИҲ билан ҳамкорликда қолган олийгоҳлар ва кейинчалик лицей ҳамда коллежларга "турне" ўтказиш мақсад қилиб олинди.