"Барселона" бош мураббийи Хави жамоанинг Испания чемпионатида ғалаба қозониш имкониятларига баҳо берди.
“Вазиятга реал назар билан қарасангиз, бизда унвонлар учун имконият бор. Ла лигада ғалаба қозонишимиз ҳам мумкин. Ҳамма нарса содир бўлиши мумкин. Биз кубоклар учун курашишимиз керак.
Баъзи футболчиларга позицион ўйин тамойилларини тушуниш қийин, буни "Барселона"да кўриш ғалати. Жадвалда 8-ўриндамиз, вазиятни ўзгартиришимиз керак. Бизга жасорат керак. Футболчилар жуда кўп куч сарфлашди, улар ўз ишини яхши бажаришади. Биз ишлашда давом этишимиз ва қилаётган ишимизга ўзимиз ишонишимиз керак. Бу тўғри йўл. Биз Испания кубоги, Суперкубоги учун курашишимиз ҳам керак», - дея фикрлари билан ўртоқлашган Хави Маrca нашрига.
Испания чемпионатининг 17 туридан сўнг “Барселона” 24 очко жамғариб, турнир жадвалида саккизинчи ўринда бормоқда.
