"Barselona" bosh murabbiyi Xavi jamoaning Ispaniya chempionatida g‘alaba qozonish imkoniyatlariga baho berdi.

“Vaziyatga real nazar bilan qarasangiz, bizda unvonlar uchun imkoniyat bor. La ligada g‘alaba qozonishimiz ham mumkin. Hamma narsa sodir bo‘lishi mumkin. Biz kuboklar uchun kurashishimiz kerak.

Ba’zi futbolchilarga pozision o‘yin tamoyillarini tushunish qiyin, buni "Barselona"da ko‘rish g‘alati. Jadvalda 8-o‘rindamiz, vaziyatni o‘zgartirishimiz kerak. Bizga jasorat kerak. Futbolchilar juda ko‘p kuch sarflashdi, ular o‘z ishini yaxshi bajarishadi. Biz ishlashda davom etishimiz va qilayotgan ishimizga o‘zimiz ishonishimiz kerak. Bu to‘g‘ri yo‘l. Biz Ispaniya kubogi, Superkubogi uchun kurashishimiz ham kerak», - deya fikrlari bilan o‘rtoqlashgan Xavi Marca nashriga.

Ispaniya chempionatining 17 turidan so‘ng “Barselona” 24 ochko jamg‘arib, turnir jadvalida sakkizinchi o‘rinda bormoqda.