Англия терма жамоасининг Италияга қарши Миллатлар лигаси доирасидаги уй баҳси ёпиқ эшиклар ортида ўтади. Бу ҳақида УЕФА маълум қилди. Хабарингиз бор, яқинда ўтказилган Миллатлар лигаси қуръаси натижаларига кўра, Англия ҳамда Италия бир гуруҳдан жой олишди.
Шунингдек, ушбу гуруҳда Германия ҳамда Венгрия бор. Ушбу чора Евро-2020 финалида "Уемблей" стадиони атрофида қилинган тартибсизликлар сабаб қўлланилмоқда. Ўшанда Англия ҳамда Италия мухлислар ўртасида келишмовчиликлар келиб чиққан эди.
Шунингдек, ушбу воқеа сабаб Англия ФА 100 минг евро жаримага тортилган. Эслатиб ўтамиз, Англия ҳамда Италия учрашуви 2022 йилнинг 11 июнь куни "Уемблей" стадионида ўтказилади.
