Англиялик ҳужумчи Маркус Рэшфорд “Манчестер Юнайтед”ни тарк этишга яқин турибди. “Мarcа” нашри хабарига кўра, 24 ёшли футболчи фаолиятини Испания чемпионатида давом эттиришга тайёр.

Рэшфорд Каталониянинг “Барселона” клубига ўтишга тайёр. “Кўк-анорранглилар” аввалроқ Маркусга қизиқиш билдиришган эди. 

Манбага кўра, келишув жорий мавсум охирида амалга ошиши мумкин.

Рэшфорд “қизил иблислар” академияси битирувчиси. У 2016 йилдан бери асосий жамоада ўйнаб келмоқда.

Жорий мавсумда ҳужумчи АПЛда 9 та ўйин ўтказиб, 2 та гол урди ва битта голли узатмани амалга оширди. Унинг манкунианликлар билан шартномаси 2023 йилнинг ёзига қадар мўлжалланган.