Собиқ АПЛ юлдузи Габриель Агбонлахор "Арсенал" футболчиси ҳақида фикр билдирди. У Обамеянг билан содир бўлган воқеа ҳақида шундай дейди:
"Бунда тез орада нимадир содир бўлади. Вазиятни ойдинлаштириш керак. Аммо бу асосан Артетага боғлиқ. Негаки, жамоа сардори бўлган футболчи қоидаларни бузишга ҳаққи йўқ. Чунки клуб шундай талаб қўйган. Шунга қарамай ортга қайтиш учун доимо йўл бор. Бундай воқеа Жака билан ҳам содир бўлган эди. Аммо у қайтди ва ўйнамоқда. Вазиятга молия кўзи билан қарайдиган бўлсак, клуб футболчига футбол ўйнаши учун пул тўлайди. Ўйлашимча, Обамеянг клубдаги энг яхши футболчилардан бири. Ишончим комил, у яна қайтади".
Эслатиб ўтамиз, бугун "Арсенал" сафарда "Лидс" билан тўқнаш келади. Ушбу баҳс Футбол ТВ телеканали орқали Тошкент вақти билан 22:30да старт олиши белгиланган.
