"Тоттенхэм" бош мураббийи Антонио Конте жамоа сафидаги футболчилар билан боғлиқ жиддий муаммоларга дуч келаётганини тан олди.
Аввалроқ, жамоада коронавирус эпидемияси тарқалгани ҳақида хабар берилган эди.
"Уч кун давомида ҳеч нарса қилмадик. Кейин 12 нафар футболчи билан машғулот ўтдик. Мен ҳатто футболчи етишмаганидан сўнг, дарсларда манекенлардан фойдаланишга мажбур бўлдим. Лекин бу, албатта, футболчиларнинг ўрнини тўлдирмайди", - деди мутахассис.
Эслатиб ўтамиз, "Тоттенхэм" ўзининг навбатдаги ўйинини "Ливерпуль"га қарши ўтказади. Баҳс 19 декабрга белгиланган.