Лондоннинг “Тоттенхэм” клуби соғлом футболчилар етишмаслигидан азият чекмоқда. Бу ҳақда жамоа бош мураббийи Антонио Конте британиялик журналистларга берган интервьюсида айтиб ўтди.
“Биз бир неча кун давомида ҳеч қандай машғулот ўтказмадик. Шундан сўнг 12 нафар футболчи иштирокида машғулот ўтказдик. Мен ҳатто манекенлардан фойдаланишга мажбур бўлдим. Аммо бу сизга умуман керак эмас”, деди италиялик мутахассиснинг сўзларини келтиради “Daily Mail”.
Эслатиб ўтамиз, Лондон клубида коронавирус инфекцияси авж олган ва шу сабабли кўплаб футболчилар касалхонага ётқизилган эди.
“Шпорлар” навбатдаги ўйинни “Ливерпуль”га қарши ўтказади. Учрашув 19 декабрь, якшанба куни бўлиб ўтади.
