“Бавария”нинг ҳужум чизиғи етакчиси Роберт Левандовски Бундеслиганинг 17-турида “Вольфсбург”га қарши ўйиндан сўнг ОАВга ўз фикрларини билдириб ўтди. Ушбу учрашувда 33 ёшли полшалик Германия чемпионатида бир календарь йилидаги 43-гол билан Герд Мюллернинг рекордини янгилади.
“Мен ҳис-туйғуларга тўлиб-тошганман. Жамоам билан фахрланаман ва жуда хурсандман. Бу мен учун жуда муваффақиятли йил бўлди. Мен янги босқичга ўтдим.
Мен байрамларда оилам ва дўстларим билан бирга бўлишни хоҳлайман. Янги йил арафасида ажойиб кайфиятдаман”, - дея хабар беради клуб матбуот хизмати.
Учрашув “Бавария”нинг 4:0 ҳисобидаги йирик ғалабаси билан якунланди.
