Греция чемпионатининг 24-турида "Пантинаикос" ва "Олимпиакос" жамоалари ўртасидаги ўйин 82 - дақиқада тўхтатилди.

Тартибсизликлар танафус патйтидаёқ бошланган эди. "Панатинаикос" ишқибозлари трибуналарга кичик ўт қуйдилар, полициячиларга ёнувчи модда қуйилган шиша идишларни улоқтирдилар, бунинг оқибатида иккинчи бўлим 45 дақиқага кеч бошланди. 

Меҳмонлар яримҳимоячиси Жамол Абдун 51 - дақиқада ҳисобни очгандан кейин вазият кучайиб кетди. Майдон атрофига қўлбола "бензин бомба"лари портлай бошлади. Кеинроқ учрашув ҳаками Анастасиос Какос зйинни тўхтатишга қарор қилди.

Тартибсизликлар оқибатида 20 та полициячи жароҳат олди, 50  ишқибоз ҳибсга олинди. "Панатинаикос" ишқибозларидан яна 10 та ёнувчан мосламалар, таёқлар ва пичоқлар тортиб олинди, дея хабар беради Reuters.

Энди майдон эгаларига 0:3 ҳисобидаги техник мағлубият берилиши кутилмоқда.